NO CAMIÑO, A EMPATÍA (Unidade 0 - Curso 2026/27)
1- Como definimos a empatía?
![]() |
| Unha reflexión sobre a importancia da empatía |
Quen era Hannah Arendt (1906-1975)?
Arendt era unha filósofa que defendía un concepto de «pluralismo» no ámbito político: grazas ao pluralismo, xeraríase o potencial dunha libertade e igualdade políticas entre as persoas. Para o cal é importante a perspectiva da inclusión do outro: nos acordos políticos, convenios e leis deben traballar a niveis prácticos persoas adecuadas e dispostas. Como froito destes pensamentos, Arendt situábase de forma crítica fronte á democracia representativa e prefería un sistema de consellos ou formas de democracia directa.
*Pluralismo: As distintas ideas ou formas de pensar que se expresan en sociedade, asociadas aos debates políticos. A teoría que recoñece, acepta e fomenta a coexistencia dunha variedade de doutrinas, opinións, posicións políticas, culturas ou relixións dentro dunha mesma sociedade.
2- Terá algo que ver a empatía co pluralismo e a democracia? Que opinas?
3- Investiga a diferenza entre:
*democracia representativa / democracia directa
4- Como explicar que o conflito é consusbtancial ao ser humano? Todas as sociedades presentan problemas e atrancos ás que hai que dar saída e ante os que cabe que haxa distintas posibilidades e diferentes fórmulas de superar os primeiros e atopar solucións.
O conflito nace das distintas opinións que ten xente á hora de resolver calquera problemática común. Non todos pensamos o mesmo, logo sempre haberá discusións e para vivir en sociedade precisamos poñernos de acordo inevitablemente. De aí a importancia dos debates e a necesidade de dialogar con empatía para atopar eses puntos de encontro que nos permitan progresar.
E aquí é onde entra en xogo a materia da Oratoria, da que imos falar e coa que imos intimar neste curso:
5- Que é iso da Oratoria?
Cando dis de alguén: Que ben fala!, seguramente queres dicir que cando se expresa esa persoa faino con claridade, beleza e convicción, ademais de con elocuencia, porque co seu discurso é capaz de emocionarte e mesmo de convercer. Logo esa persoa que se expresa ben e convence posiblemente domine a retórica e a oratoria.
UNHA PRIMEIRA DEFINICIÓN DE ORATORIA
Popularmente sería: Falar ben ante un público e con intención. Unha definicion máis acorde aos dicionarios seria:
ORATORIA: É a arte de falar e escribir con elocuencia, o que vén sendo, comunicarse de xeito agradable, conmovendo e persuadindo.
A Oratoria non se improvisa, precisa de técnicas e dunha serie de recursos e normas para a súa prática, é dicir, baséase na Retórica.
RETÓRICA: Son as regras, técnicas e recursos que nos permiten dominar a Oratoria, chegar a ser elocuentes.
A Dialéctica é a Oratoria, a arte de debater)

.jpg)
.jpeg)
Comentarios
Publicar un comentario